Ayuno intermitente ta un “metodo” cu cada dia ta hayando popularidad entre e muhernan, pues ta sigura cu e ta un forma efectivo di baha peso. Segun Clínica Mayo, ayuno regular por reduci colesterol ‘malo’ y mehora con e curpa ta metabolisa e sucu, loke por ta bon pa evita subi di peso y reduci e factornan di riesgo di diabetes y e enfermedadnan cardiaco.
E personan cu ta recuri na e ayuno constante, tin un autocontrol mayor den e forma con nan ta come, bebe y nan consumo di caloria, loke ta nifica cu nan por tin mas control riba nan peso.
Ayuno intermitente uno: consumi poco caloria durante algun dia y despues come di un forma normal.
Ayuno intermitente dos: come solamente na orario determina, salta algun cuminda of laga intervalo di 12 a 14 ora sin cuminda ni bebida.
Un publicacion di American Journal of Clinical Nutrition, a menciona cu despues di revisa e estudionan di investigacion relaciona cu ayuno intermitente a demostra un mehoria den peso, colesterol y diabetes, sinembargo, mester haci mas investigacion.
E ayuno intermitente a bira un metodo “facil” pa hopi muher cu kier baha peso, sin somete na dieta extremo, sinembargo tin factor relaciona cu ayuno, cu nos mester tuma na cuenta, pues no ta recomenda pa tur tipo di persona, paso esaki ta e efectonan secundario di ayuno:
• Si bo ta un persona cu ta presenta trastorno di alimentacion, e metodo di baha peso, no ta esun mas recomendabel pa bo, pues esaki por ocasiona cu bo por tin un episodio di trancamento.
• Si bo ta custumbra na realisa hopi ehercicio, tampoco ta un metodo recomenda, paso realisa ehercicio den ayuno por ocasiona mareo of episodio di hipoglucemia.
• Si bo tin diabetes, bo no mester realisa ayuno, pues esey por afecta bo salud cu un episodio di hipoglucemia intenso, pues door di e medicamentonan y e organismo sin alimento, ta baha e sucu demasiado den sanger.
