E luna aki ta haci su debut riba e plataforma di Focus Digital Magazine, Elena Meza cu ta bay comparti mensualmente un dushi receta. Contando un tiki di su persona pa introduci su mes, e tin cu bisa cu maske bida a hib’e riba camindanan inespera, resiliencia a pone dilanti un forno pa e por a descubri su berdadero pasion: chef de patisserie. Como un hende muhe cu semper ta kere den oportunidadnan, e kier comparti no solamente como un chef di pastry.
Loke Elena ta propone e biaha aki no ta solamente relaciona cu su profesion, pero kier bay bek den loke ta esencial ora di escoge un plato dushi, pero asina mes… saludabel. E kier invita boso pa para keto un rato y conecta na un manera sano, disfruta di un plato dushi pero sin ningun remordemento. Su enfoke ta simpel pero directo: “platonan dushi of pastries” cu ta saludabel, cu nos por come consciente sin tira culpa riba kico nos ta come.
Elena ta introduci su prome receta cu ta yama “plato di infancia” of miho bisa: “Un tiki di e sabor di mi infancia”. El a scoge un clasico cu lo brasa bo alma: Pan di Bacoba of “Banana Bread”, cu ta un receta diseña pa honra nos famia sin descuida nos salud. Tur e ingredientenan y con paso pa paso ta prepara e dulsura aki ta den e revista, cu ta accesibel gratis via Apple Store, Android Google Play Store y www.focus.aw (Menu Tab FOCUS DIGITAL)
Bo tin un receta di famia cu bo kier transforma den su version saludabel? Bo por haci esey door di comparti esaki cu Elena via bo cuenta di social media of tag su pagina di instragram @helenameza.esencial riba esun di bo. Bo por cont’e pakico e ta special pa bo y e lo experimenta con pa substitui nan cu ingredientenan mas saludabel. Despues e por comparti esaki cu nos comunidad. Sigui su Instagram @helenameza.esencial
