Den e añanan cu Ika Kock ta traha, a dun’e dia pa dia mas hamber y sed pa su trabou, den arte y fantasia. Su trabou ta un di su pasionnan di mas grandi y ta dedica basta tempo pa presenta un bunita coleccion. IK Design su ultimo coleccion tabata un di esunnan mas grandi, cu Ika por a lansa te cu aworaki, y e por bisa cu el a subi un par di trapi mas halto den su carera como diseñadora.
Ora e mira su creacionnan den realidad, e por para keto of por sinta bebe un kopi te y keda contempla su trabou. Cual prome tabata den su mente y despues el a bira un realidad riba un di su manekinan. Den su mente e tin su pasado y asina e por trece su fantasianan riba catwalk show y disfruta di e resultado di su arte. Den otro palabra e sa precies kico e kier den su trabou y no ta duda ora e kier algo.
Un di e motibonan cu e gusta Hulanda hopi mes ta, pa su temporadanan manera; zomer, herfst, winter y lente. Casi e por bisa cu e por hinca un tiki di Aruba den e ‘winter collection’ anto esey ta haci su trabou unico. Den revista FOCUS pa e luna di januari por lesa mas di e bida y trabou di Ika Kock, cu su inspiracion di mas grandi ta algun di su pañanan cu su mama, Sra. Dora Kock, a yega di cose p’e.
