1. Mantene na un ‘schema pa drumi’
Pone un banda 6-8 ora dedica na drumi. E cantidad di ora recomenda pa un adulto drumi ta sikiera 7 ora. Drumi y lanta mesun ora cada dia. Purba di limita e diferencia di bo ‘sleeping schedule’ den weekend y den siman na no mas cu un ora. Ora bo ta ‘consistente’ esaki ta yuda bo curpa custumbra na e orario di drumi. Si bo no pega soño den 20 minuut, sali fo’i bo camber y haci algo relahante. Lesa of scucha musica y bay riba cama ora bo sinti cansa.
2. Limita nap atardi/mainta
Ora bo nap pa un periodo di tempo largo, esaki por stroba bo descanso anochi. Si bo ta scoge pa nap, ta recomenda un limite te cu 30 minuut y ta miho pa evita di nap laat den dia.
3. Inclui actividad fisico den bo rutina diariamente
Actividad fisico regularmente por promove un soño profundo y di miho calidad. Pasa tempo den aire liber diariamente tambe por ta beneficioso.
4. Crea un espacio trankil
Crea un camber cu ta ideal pa drumi aden. Hopi biaha esaki kiermen un camber cu ta friu, scur y keto. Si tin hopi luz e ta haci dificil pa pega soño. Evita e uzo di telefon prome cu bo bay drumi. Haciendo e actividadnan cu ta relahante prome cu bo bay drumi por promove miho calidad di soño.
