Despues di lunanan di speculacion cu Maluma y Kim Kardashian tabata saliendo, despues di e separacion di e strea di reality show y su ex Kanye West, e cantante colombiano a aclarea den un reciente entrevista cu nan tin un amistad estrecho. Admitiendo cu e no ta sigur di unda e rumornan originalmente a surgi, e artista a bisa den su entrevista cu L’Officiel Hommes, cu el a conoce kim y su ruman Kourtney Kardashian na Dior Men’s Fall 2020 Runway Show na Miami na december 2019.
“E hendenan a cuminsa papia over di esaki y mi no sa dicon nan a cuminsa puntre”. Maluma a sigui bisa: “Kisas paso e tabata divorciando y tur esey, pero nos ta bon amigo”. Segun e cantante nan ta papia frecuentemente, pero nan ta bon amigo y nan ta desea lo miho pa otro. Kim di su banda tambe a contesta e presentador Andy Cohen, cu nan ta solamente amigo y cu Maluma ta un ‘nice guy’.
