E asina anticipa ‘No Time To Die’ ta e pelicula number 25 di Bond y di cinco y ultimo cu Daniel Graig como 007. E tabatin un retraso di mas cu aña door di Covid, pero e ta estrena den e cinemanan di Reino Uni diahuebs awo. Memey di e gritonan di emocion, e Dukesa y Duke di Cambridge, Prins of Wales y Dukesa di Cornwall a cana riba e red carpet pafo di Royal Albert Hall na Londen, 

Luciendo simplemente elegante, e shimis di Kate Middleton di estilo 1970 tabatin un capa y e beyesa real a completa e look cu renchi di horea y sapato oro, cu cabey lora den un peinado ariba su cabes. E shimis ta un creacion di e diseñadora Jenny Packham.

Entre e miembronan di e elenco cu tabata spera pa saluda e famia real tabatin Craig, Rami Malek y e protagonistanan femenino Lea Seydoux y Lashana Lynch. Nan a conoce tambe e productornan Michael G Wilson y Barbara Broccoli, y e director Cary Joji Fukunaga.

Craig tabata manera Bond cu su charme ora el a topa cu Kate y el a bisa: “You look jolly lovely!”, mientras Miss Waller-Bridge a comenta ‘wow!’ ora e dukesa a cana den e fila cerca di dje.

LEAVE A REPLY

Please enter your comment!
Please enter your name here