Keanu Reeves a haci un donacion di 70% di e placa cu el a cobra den e prome pelicula ‘The Matrix’ na e investigacionnan pa e tratamento contra leukemia. Keanu su ruman muhe Kim, a sufri di e tipo di cancer aki durante 10 aña largo. Segun LadBible, Reeves a ricibi un pago di 10 miyon dollar, despues el a ricibi 35 miyon dollar adicional door di e exito di e pelicula.
Keanu su ruman, Kim Reeves cu tin 55 aña, a wordo diagnostica cu leukemia na 1991, y e actor ta esun cu a cuid’e mientras e tabata malo y tambe despues ora el a recupera. “E semper tabata t’ey pa mi, ami semper lo t’ey p’e”, e actor a bisa. E amor cu Keanu tin pa su ruman a pone, cu el a bende su cas pa asina e lo por ta mas cerca di dje. El a retrasa e filmamento di Matrix pa e por wak pa su ruman, y gasta 5 miyon dollar pa su tratamento. Na 2000, e strea di Hollywood a lansa un fundacion pa yuda e hendenan cu ta lucha contra cancer.
