E legendario actor y diplomatico, Sidney L. Poitier, a fayece na e edad di 94 aña. E ta laga atras su casa, e actriz Joanna Shimkus, y su seis yiu muhenan. E morto di Poitier a ser confirma pa e minister di Relacionnan Exterior, Fred Mitchell. Poitier a nace dos luna prome cu tempo na Miami, Florida dia 20 di februari 1927, mientras su mayornan, agricultornan bahameño tabata na e pais pa bende tomati.
Sidney Poitier tabata un actor, director di cine, activista y embahador, cu na 1964 a converti den e prome actor color scur pa gana un Oscar como Miho Actor. E tabatin dos nominacion pa Oscar, dies nominacion pa Golden Globes, dos nominacion Primetime Emmy Awards, seis nominacion pa BAFTA, ocho nominacion pa Laurel y un nominacion pa Screen Actors Guild Awards. Sidney Poitier a sirbi for di 1997 pa 2007 como Embahador di Bahamas na Hapon.
E actor Jeffrey Wright a lidera e tributonan, cu su tweet: ‘Sidney Poitier. Ki actor tan emblematico. Unico den su clase. Ki homber mas bunita, amable, cariñoso y genuinamente real. RIP, Sir. Cu amor.’
