E Dia di San Valentin ta dialuna 14 di februari, cual ta nifica cu algun persona ta emociona sperando e dia mientras otro ta kere cu e dia aki no mester ta solamente pa pareha. E por ta un dia pa e ‘solteronan’ tambe por diberti, disfruta y no sinti nan mes fastioso pa un dia, cu tin un ‘label’ riba dje. Den edicion di Focus Digital Magazine di e luna aki, tres amiga ta contesta e preguntanan: ‘Ki e dia aki ta nifica’ y ‘Con ta celebra esaki’.
·Jo-Anne Noguera: Segun Jo-Anne cu Valentine’s Day ta un dia cu normalmente ta wordo mira como un dia pa celebra cu bo pareha of e persona importante den bo bida. Como un persona soltero e gusta celebra Valentine’s Day cu su amigonan y bay cinema of come na restaurant cu nan. Si e tabatin un pareha lo e desea di por ‘spoil’ e cu un regalo cu e lo aprecia y vice versa.
·Yaella Lopez: Ora bo pensa riba Valentines Day, tradicionalmente hende ta pensa cu e ta un dia pa celebra relacionnan romantico. Pa Yaella, Valentines Day ta un dia manera cualkier otro. Pero e ta un dia cu e ta haya e oportunidad pa bisa su sernan keri cu e stima nan. Si e lo tabatin un pareha, probablemente e lo kier organisa algo special pa nan dos of lo e kier pa wordo sorpresa tambe.
· Zia Habibe: Ora Zia pensa riba Valentines Day tradicionalmente e ta sinti of e ta wak, cu mastanto e enfasis ta riba amor romantico entre pareha. Pero e dia aki ta representa p’e: amor, cariño y felicidad pa bo mes y esunnan rond di bo. Si Zia tabatin un pareha e lo desea di haci algo leuk cu ne y tambe lo ta nice pa cumpra of traha un regalito p’e.
Lesa mas tocante e pensamento y sentimento di Jo-Anne, Yaella y Zia tocante Valentine’s Day den e edicion di februari, cu ta accesibel via Apple iStore, Android Google Play Store y www.focus.aw (Menu Tab FOCUS DIGITAL)
