Durante september 2023, Oficina di Turismo (A.T.A.) ta celebra luna di Turismo. Ta enfoca manera semper riba e industria di hospitalidad, cu un enfoke particular riba e personanan cu ta traha den e sector di F&B e aña aki. A.T.A. ta felicita tur esnan cu ta brinda un servicio excepcional y hunga un papel vital den haci Aruba un luga mas amabel y memorabel pa bishitante.
E industria di F&B ta consisti di personanan cu ta traha duro pa brinda e bishitantenan cu experiencianan culinario inolvidabel. Ta trata di personanan cu ta e esencia di nos industria mirando cu nan ta yega directamente den contacto cu nos bishitantenan. Nan ta e chef, waiter, barman, host, y mas, cu ta asegura cu cada bishitante ta sinti nan mes manera un parti di e isla.
E tema pa e aña aki, “Hospitalidad den Sector di F&B”, ta subraya e importancia di e profesionalnan apasiona cu ta traha diligentemente tras y dilanti di cortina pa crea experiencianan inolvidabel. Nan compromiso pa demostra e esencia di nos cultura y hospitalidad, ta algo berdaderamente admirabel.
Frente e retonan recien mara na COVID-19, e profesionalnan di F&B a mustra un resiliencia remarcabel. Nan a adapta na protocolonan nobo di seguridad, asegurando bienestar di e bishitantenan mientras nan a mantene e standard halto di servicio y calidad cu ta defini nos isla.
Durante luna di September, Luna di Turismo mirando cu ta celebra Dia Internacional di Turismo, A.T.A. ta tuma un momento pa reconoce y aplaudi e dedicacion di e heroenan den sector di F&B. Lo haci esaki durante un seminario riba Dia Mundial di Turismo, 27 di september 2023. Invitadonan den entre otro e sector di F&B lo experiencia e oportunidad pa explora e poder transformativo di hospitalidad y e impacto profundo cu e por tin riba nos bida, manera exemplifica door di e perspectivanan remarcabel di e orador, Will Guidara. Sigur, un persona no desconoci den e mundo di F&B.
Laga nos ta compromete pa sigui inverti den entrenamento, desaroyo, y bienestar di e personanan remarcabel aki.
Felicitacion na tur riba e dia special aki!
 ta celebra luna di Turismo. Ta enfoca manera semper riba e industria di hospitalidad){kind=link}