Tur makeup artist tin nan propio estilo, ta locual cu Jason Guash a inicia bisando den su combersacion cu FOCUS mientras e tabata makiyando un cliente den Bliss na Superfood. El a pone enfasis cu e ta gusta saca e beyesa mas natural posibel resaltando e mas natural di e cutis. E no gusta wak e makiyahe ni e base of e corector, y cu e cara keda mustra manera cu e persona a lanta mainta cu su cara perfecto.

E makeup artist di L’oreal Paris cu tin 14 aña den e ramo como makiyador, a splica cu tin ora kier tapa por ehempel e purunchinan, pero esaki por laga e cara mustra hopi pisa cu e makeup. Mientras mester tene na cuenta cu nos ta biba den un clima unda cu ta haci hopi calor. E ta ideal pa aplica un makiyahe suave durante dia pa asina e piel por transpira.

E conseho di Jason ta pa percura pa uza un makiyahe ‘oil free’ debi cu e piel ta bira grasoso cu e clima y cu e humedad bo ta soda. Prome cu makeup ta importante pa uza un ‘primer’ ya cu bo piel no ta absorba e makiyahe, base, polvo y blush. E ta uza e ‘primer’ di L’oreal Paris, Matte-Lock, cu ta yuda controla e vet, e ta actua manera un desodorante prome cu e makiyahe pa e piel no soda tanto. Cu e makiyahe riba e’primer’ e ta resisti mas riba e piel.

Jason Guasch for di 2014 ta e makeup artist di L’oreal

Durante su bishitanan na Aruba loke mas el a ripara ta, cu debi na e clima caluroso y solo fuerte esaki ta causante di e manchanan riba e cutis. Di un banda nos ta bendiciona tambe cu e vet cu ta yuda pa e piel mantene hoben y sin rimpels. E tendencianan actual cu ta hopi na moda ta e uzo di briyo pa duna luminosidad na e cutis. E ‘glow’ riba e piel ta e secreto pa laga e muher mustra mas jong y cu un look natural. E tecnica di ‘strobing’ den aplicacion di e makiyahe dunado ‘glow’ y mas ‘glow’ riba e cara ta e ultimo trend den makiyahe.

Makeup Artist di L’oreal na Aruba Anouk Eman hunto cu Jason Guasch

LEAVE A REPLY

Please enter your comment!
Please enter your name here