E fiesta anual pa recaudacion di fondo di Cruz Cora Aruba, a ricibi un bon acogida unda cu por a mira Aruba Surfside Marina yen di hende disfrutando di “Garden Party” riba diabierna anochi.
E tema cu a scoge e aña aki a cay den e tendencianan di e temporada di zomer unda hunto cu e venue a crea un evento perfecto. E decoracion di “Garden Party” cu tur e tokenan di flor a crea den e hardin di Surfside Marina un esfera festivo y alabes casual cu a duna tur hende e opcion pa bisti confortabel y disfruta di un anochi relahante. Esnan presente a haya e oportunidad di cera conoci y ricibi informacion di diferente producto produci na Aruba cu ta crea for di e matanan cu ta crece riba nos propio suela. E “stations” di biña a ofrece diferente tipo di biña pa deleita e paladar mientras cu por a disfruta di e seleccion di delicioso canapes for di e teblachinan grandi cu constantemente nan tabata pasa rond cu ne. Mescos cu e ultimo añanan e biaha aki tambe “Blue Boulevard” ta e banda cu a “perform” durante e fiesta anual di Cruz Cora Aruba. E evento e aña aki tambe tabata ‘sold out’ y nos lo keda pendiente pa otro aña pa un tema cu lo cay na agrado atrobe pa e temporada di zomer den aire liber. E video di “Garden Party” pronto por ser mira via nos website y un reportahe fotografico unico den edicion di FOCUS di augustus.
