Philippe Coutinho ??

E ta un hungado internacional absoluto den e seleccion brasileño, haciendo su debut na 2010 cu apenas 18 aña. Phillipe Coutinho tabatin su presentacion mas importante na nivel di seleccion den Copa America 2015 y Copa America Centenario. E hungado carioca di 26 aña, a demostra desde su inicio un tecnica notabel cu a lage destaca den e categorianan inferior di C.R. Vasco da Gama, cu a haci cu na 2008 el a firma cu F.C. Inter Milan. Despues di un periodo di adaptacion den futbol Europeo el a bay forma parti di Liverpool Football Club. Desde e aña aki na januari cu el a bay forma parti di FC Barcelona el a score 10 goal. E leyenda brasileño Pele a pronostica un gran futuro pa Phillipe Coutinho.

 

Antoine Griezmann ??

El a nace y crece na Mâcon, Francia y Antoine cu actualmente tin 27 aña, a forma parti di French Youth International, representando su pais na diferente nivel. E tabata parti di e team cu a gana 2010 UEFA European Under -19 Championship na su tera natal. Su prome goal internacional pa Francia el a anota dia 1 di juni 2014 den e wega contra Paraguay den Copa Mundial, yudando su pais yega cuarto di final. El a ser nomina na 2016 pa Best FIFA Men’s Player y Ballon d’Or. Griezmann a casa 15 di juni 2017 cu Erika Choperena, cu ta nativo di Spaña y hunto di un yiu muhe Mia di 1 aña di edad. Antoine Griezmann tabata riba portada di edicion frances di FIFA 16 hunto cu Lionel Messi y el a aparece den promocion pa diferente marca.

 

Memo Ochoa ??

El a naci 13 di juli 1985 y su nomber completo ta Francisco Guillermo Ochoa y ta conoci popularmente como Memo. E futbolista mexicano aki ta portero di e club Standard Liège di Belgica y di e ekipo nacional di Mexico. Memo a haci su debut dia 14 december 2005 cu 20 aña cu e ekipo nacional di Mexico den un wega amistoso contra Hungaria, cual Mexico a gana 2-0. Ochoa a ser escogi pa e coach Ricardo La Volpe como e tercer goalkeeper di FIFA World Cup na 2006. E nightmare di Ochoa a termina despues cu el a ser firma na juli 2017 cu e club Standard Liège cu un contract di 2 aña. Memo como keeper di e ekipo di Mexico den Copa Mundial 2018 sin duda lo bay demostra su experticio.

LEAVE A REPLY

Please enter your comment!
Please enter your name here