Radamel Falcao 🇨🇴

Un soño cu a bira realidad den e Copa Mundial na Rusia tabata e gol di e capitan y delantero di e seleccion Colombiano, Radamel Falaco, den e partido decisivo contra Polonia. “El Tigre” manera e ta wordo yama a briya den su prome mundial. Radamel ta hungado di e ekipo Europeo AS MONACO. Cu lagrima na su wowo y gradiciendo Dios den e stadion di Kazan Arena dilanti di miyon di wowo, su soño desde mucha a bira un realidad. Debi na un lesion sufri e no por a participa cu e ekipo di Colombia den e mundial di Brasil 2014. Radamel sigur ta un inspiracion pa hopi hoben, cu ora bo traha duro cu determinacion, perserverancia y fe den Dios tur soño por ser logra.

 

Carlos Vela 🇲🇽

Cu e pitazo cu a duna inicio na e prome partido di Mexico den e Copa Mundial 2018, y cu e hungadornan a subi e veld cu e miradanan a cay riba e hungador: Carlos Vela. E ta originario di Cancún, Quintana Roo, y su carera den futbol a cuminsa ora e tabata apenas un mucha. Carlos Vela a participa den e Copa Mundial Sub-17 na 2005 unda e tabata e maximo goleador. Su trayectoria ta suma na un total di 128 gol y 483 wega, y tabata un miembro clave di e participacion di México na e Copanan di Mundo. Cu su 29 aña di edad, Vela tin un di e miho tecnicanan di momento. Su vision di wega y capacidad pa defini un gol ta posiciona como un gran hungadornan di momento.

 

Edinson Cavani 🇺🇾

Considera como un di e miho delanteronan danki na su potencial, experiencia y efectividad. Edinson Cavani a anota 2 gol decisivo pa Uruguay contra e campeon di Euro Copa 2016 Portugal. El a elimina asina e campeon di Europa for di nan soño pa titula Copa Mundial na Rusia. Edinson ta participando pa di tercer biaha den Copa Mundial cu e seleccion Nacional di Uruguay. Edinson cu su 31 aña di edad ta hungador pa e ekipo di Paris Saint- Germain cu mas di 100 gol den dos di e 5 liganan mas grandi di Europa. E ta hibando Uruguay pa di 5 biaha na e cuarto di final di Copa di Mundo.

 

Nos lo bay sigui trece mas di e hungadornan cu ta resaltando den World Cup Russia 2018

LEAVE A REPLY

Please enter your comment!
Please enter your name here