Cruz Cora Aruba a tene su evento anual pa recauda fondo na Aruba Surfside Marina cu tabata completamente yen. Ya pa ocho aña caba, Cruz Cora Aruba ta organiza su fiesta y semper a percura pa ofrece tur cu tey presente, un ambiente ameno cu un tema creativo y na mes momento un oportunidad pa socializa y network.
Cu un bunita speech duna pa Beschermheer di Cruz Cora Aruba, Su Excelencia Gobernador di Aruba, Sr. Alfonso Boekhoudt, e anochi a cuminsa. Pa por haci tur e trabounan di Cruz Cora Aruba posibel, ta conta cu donacion y sponsoring di comunidad di Aruba y comercio y esaki ta wordo demostra durante un anochi asina, unda por wak companianan cu ta participa hunto den un evento pa yuda un causa. Manera nos a priminti cu lo presenta e video di “Garden Party” via e portal aki. Disfute!
