Awe dia 14 di augustus ta net 10 aña pasa cu e famia, amigonan y e sernan keri di e diseñador, Percy Irausquin, a haya e tristo noticia di su fayecimento. Percy a nace dia 26 di juni 1969 na Aruba como e ruman mas chikito di cas y semper tabatin su cinco ruman muhernan y su kerida mama como su fuente di inspiracion. Su famoso quote ta; “When in doubt always overdress”
Joseph Gregory Percy Irausquin su carera den e mundo di moda a inicia desde cu el a gana e premio di Frans Molenaar Couture na 2001. El a finalisa su estudio na 1999 na Gerrit Rietveld Academie na Amsterdam y a obtene despues su master degree na Fashion Institute Arnherm. Percy a haci su stage na diferente cas di moda di renombre na Paris unda el a siña tur kico e por haci cu un lapi di paña. Den un tempo cortico Percy su acogida tabata grandi y el a cuminsa bisti e celebridadnan Hulandes. El a ricibi dos reconocimento di revista FOCUS como tambe na Hulanda pa su logronan como diseñador. Na Aruba el a presenta su prome fashion show na House of Mosaic cerca su amigo Fernando Mansur. Tanto na Hulanda como na Aruba, Percy Irausquin, tabata e diseñador preferí di e damanan cu gran estilo. Stima pa su personalidad y carisma y respeta pa su gran talento cu ta inigualabel, Percy a bay laga nos 10 aña pasa ora el a fayece repentinamente di un hersenbloeding. Love you Always Percy! 
