Line up of the whole collection 100 shades of preto

Cu un stem yen di emocion Gionina Engelhardt a comparti cu FOCUS su inmenso satisfaccion di a logra su AMFI Bachelor Degree. El a bay Hulanda hunto cu su yiu muhe Neyhiah, cu e meta pa e caba cu su estudio. El a hacie pa su mama Swinda cu a fayece 4 aña pasa y pa su prima Louisa cu a fayece na november. E ta contento cu el a logra aunke cu hopi dolor, pasobra e scol no tabata niun tiki facil. Aworaki e ta bay evalua e miho opcion cual ta sea keda Hulanda of bolbe Aruba.

Diseño di Gionina Engelhardt

Gionina su vakantie ta bay cuminsa awor door cu e no a disfruta di zomer vakantie debi na su estudio. E prome cos cu e ta bay haci ta ruim op su cosnan di scol pa wak ki lo ta e siguiente paso. E ta hopi loco pa bolbe Aruba pa haci loke echt e ta desea pa haci, esta pa duna les ademas cu e por tin mas tempo pa su yiu muhe. Durante cu e tabata studia hopi biaha e mester a hiba Neyhiah scol cu ne principalmente despues cu su prima cerca ken nan tabata biba a fayece, y cu tabata su babysitter. El a bira hopi difícil pero el a logra su AMFI Bachelor Degree.

Diseñonan cu Gionina a crea pa e coleccion cu ‘empowerment quote’

Gionina a comenta na FOCUS: “Ainda mi mester ‘dring door’ cu mi a logre, mi ta officially un fashion designer. Mi a hacie pa mi mes paso ni cuanto talento mi tabatin, pero door cu mi no tabatin e papel, mi no tabata sinti mi mes suficiente bon. Esaki ta pa mi mama, mi prima, mi yiu Neyhiah pa e por ta proud di su mama cu e tin un degree, y finalmente pami mes tambe. E ta duna mi mes e balor cu mi merece. Aunke mi sa cu papel no ta nifica tur cos pero ami mester di dje”. Gionina a finalisa gradiciendo su famia cu a kere y invest den dje pa e por a sigui su estudio, pasobra sin nan tampoco e no por a logra bay Hulanda. E ta duna un danki grandi na su friends cu a dune e apoyo y cu a keda kere den dje, y tur otro hende cu por a yude. Gionina ta sigur di no keda pa semper biba na Hulanda, pasobra Aruba ta su cas y ta haya hopi falta di tur hende.

E prome potret di Gionina hunto cu Neyhiah despues cu el a haya e resultado cu el a gradua

LEAVE A REPLY

Please enter your comment!
Please enter your name here