Recientemente Mitsubishi Motors a renoba nan marca y lema pa “Drive Your Ambition” mundialmente. Como tur hende sa Mitsubishi ta renombra pa su vehiculonan duradero y di calidad y mas importante ta orgulloso di nan “Heritage”. Yrausquin, agente exclusivo di Mitsubishi na Aruba, tambe ta orgulloso di nan “Heritage” manteniendo e comunidad di Aruba mobiel pa mas cu 46 aña.
E Mitsubishi Eclipse Cross nobo ta e SUV compacto moderno y adventurero cu un exterior hopi deportivo. E “Dynamic Shield Face” nobo y stimulante y e LED Package ta crea un impression di un atleta kla pa sali start su careda. E lineanan di caracter dinámico den e diseño exterior, ta mustra kla pa action.
E Eclipse Cross tin un cantidad di caracteristicanan ingenioso cu lo duna bo e gana pa invita bo amigonan bai dal un bocht den dje cu bo. Sinta tras di e stuur ta manera sinta den un cockpit exitante di un avion. E “Head Up Display” cu ta “pop-up” ora bo maneja e vehiculo ta localisa net den e bista di e driver pa provee fácilmente informashon di e vehiculo den full color y ta permiti e chauffeur conduci mas safe den trafico.
E Audio Package, e sistema Hands Free Voice Control y Touch screen ta permiti bo keda conecta fácil cu e mundo. E Rear view camera y Parking sensors (4 dilanti y 4 patras) ta laga bo sali mas tranquil y safe riba caminda. E sienta flexibel patras y e “side sills” delega na e entrada, ta provee comodidad como tambe acceso fácil pa drenta of sali for di e Eclipse Cross.
E acelerashon excelente ta duna bo un sensacion dynamico y ta laga bo sinti den control completo ora bo ta tras di e stuur. E poder y eficiencia halto di e motor 2.0-liter DOHC 16-valve MIVEC ta inspira confidencia ora bo maneja e Eclipse Cross.
Enfin, nos por sigui gaba over di tur e caracteristicanan di e Eclipse Cross nobo. Pero e ta mas miho pa bo pasa na Yrausquin situa na L.G. Smith Boulevard 112 pa mire den persona y haci un test drive.
Tur persona cu ta desea di admira e Eclipse Cross nobo tin chens pa gana premio ora di bishita Aruba Art Fair e dianan 5, 6 of 7 di October venidero na San Nicolas. Simplemente buska e Eclipse Cross na Aruba Art Fair cu lo ta den un Street Art pinta door di e artista conoci CHEMIS DIMITRI PROSKIN. Saka potret cu e Eclipse Cross, follow YrausquinAruba Instagram page, share e potret riba bo Instagram y “mention” @YrausquinAruba cu e hashtags #EclipseCross #DriveyourAmbition pa asina hanja chens pa gana premio.
Let the Adventure Begin…
