Roxxanova su tata ta un guitarista y a dun’e un guitara tempo e tabatin 6 aña. Pero su mama tabata esun cu a siñ’e algun nota musical y el a cuminsa skirbi e canticanan, ora e tabata tin 6 aña den su camber. Roxxanova a haci shownan di talento na Hulanda y na su universidad e tabata den un banda di scol y el a cuminsa skirbi y graba musica. Na Aruba Roxxanova ta forma parti di Blue Boulevard Band, cu diasabra awor ta haci nan presentacion den DUBAI WINE GALA na Renaissance Convention Center.
Den Caribbean Sea Jazz Festival diasabra ultimo cantando TRIBUTE TO SADE, cu ta un di su artistanan preferi, Roxannova a realisa cu na Aruba ta unda su soñonan ta bira realidad. E ta considera esaki un di e highlights di su carera artistico. E ta ful entusiasma tambe cu diasabra awor e ta riba escenario den DUBAI WINE GALA. E lo ta acompaña pa e magnifico musiconan; Reno Steba (Bass) – Hubert Thiel (Drums) – Mike Bislick (Drums), cu ta cla prepara pa trece e jet set vibe den e wine gala di Kiwanis Club of Aruba. Nan lo ta riba escenario pa 9or di anochi y sigur esaki ta un espectaculo cu bo no por perde!
FUN FACTS
Fragancia: Dolce Gabanna The One
Flor: Hibiscus
Bril di solo: Versace
Holoshi: Nixon
Tas: Kenneth Cole
Acesorio: Un nice edgy bracelet
Gadget: Mi no por sin mi tablet!
Color: Preto
Cancion: Purple Rain (Prince)
Pelicula: Under the Tuscan Sun
