E Salon di Indulgence by the Sea, cu ta situa na Tamarijn All Inclusive, a pasa den un completo renobacion y expansion. E salon a comberti den e ‘hot spot’ pa e localnan haci nan cabey, huña y makiyahe. Ademas Indulgence by the Sea ta conoci como e unico Wella Professional Salon na Aruba y nan ta specialisa den peinado y makiyahe pa casamento y cualkier ocasion special.
Den e area amplio di tratamento di beyesa Indulgence by the Sea ta lansando “non-surgical treatments” manera LipoMax RF (dirigi pa combati celulitis y hisa e derrière) LumiMax PL (depilacion laser) y DermaMax (tonificacion facial y microdermabrasion), como tambe un menu completamente nobo, uzando solamente e productonan organico y natural pa manicure y pedicure, e tratamentonan facial y di curpa, cu ta exclusivamente disponibel na e salon di Indulgence by the Sea.
