Diasabra anochi a tuma luga e instalacion di e Directiva nobo di Kiwanis Club of Young Professionals Aruba. E evento a tuma lugar na Pure Ocean bou di guia di Cindy Clark como e maestra di ceremonia. KYPA a instala su di 8 presidente y su di segundo presidente femenino den persona di, Sherellise Ras, cu desde inicio di e club tabata forma parti di e team.
E anochi aki tabata uno hopi special pa Kiwanis Club of Young Professionals Aruba, cu e instalacion di e directiva a ser efectua pa Lieutenant Governor, André Kelly, cu tabata e prome presidente di e club. E ceremonia aki ta LG André su prome instalacion oficial y el a toca e honor di hacie pa su club. El a gradici e directiva saliente pa nan liderazgo durante e aña 2017-2018 y sperando cu nan lo sigui brinda e apoyo y guia na e incoming board. E anochi a continua cu e instalacion di e Directiva nobo pa e aña Kiwanistico 2018- 2019, cuminsando cu e pinning di e Board of Directors: Christine Leo – Tyson Lopez – Carl Quant – Maurits Ras – Nylamee Wanga.
Despues LG André a instala e Board of Officers: Presidente Saliente: Randy Croes – Vice President & Secretary: Iliëne Hernandes – Incoming President & Treasurer: Lativa Maduro – President: Sherellise Ras
Tanto Randy como Sherellise a presenta nan discurso, Randy como presidente saliente y Sherellise como e presidente nobo. Randy a pone enfasis riba tur e projectonan cu nan a ehecuta exitosamente manera; “Christmas in a Box”, “Placa Chikito” y recientemente e documentario “Promesa Falso”. El a bisa cu e ta orguyoso di e team y nan famia, cu e ta orguyoso tambe di pasa e liderazgo pa un presidente femenino y cu e ta ansioso pa mira e progreso continuo di e club. Den su discurso e presidente, Sherellise Ras, a relata con semper e tabata puntra: “Con e por haci un diferencia pa su yiunan y pa otro muchanan? Con e por ta sigur cu e muchanan ta haya e oportunidad pa ta exitoso den bida? Y cu nan por tin un bon futuro? “.
Su preguntanan a haya contesta momento cu André Kelly memey di un pelicula a puntre, si e kier forma parti di un team cu lo charter un organisacion, cu lo contribui pa haci un diferencia den bida di e muchanan. Sin pensa dos biaha Sherellise su contesta tabata: “Si”! Esey tabata 8 aña pasa cu a inicia cu Kiwanis Club of Young Professionals Aruba y desde e comienso Sherellise a forma parti di e team. Un di e projectonan cu a surgi for di dje y su committee tabata “Christmas in a Box”, cu ultimo aña a yuda 111 famia. FOCUS ta desea e Directiva di KYPA pa Aña 2018-2019 hopi exito!
Lieutenant Govervor di Division 26, André Kelly, mientras e ta pin Tyson Lopez y Lativa Maduro
