Temporada di Carnaval pa Prins Milk & Pancho Shake tabata uno inolvidabel, ya cu Randy y Roberto, a marca historia como cu nan tabata e prome “morocho” cu a yega di competi. Esaki tabata e momento, unda cu Pancho Shake a uni mas y Randy a habri mas cu su ruman, contando tocante su orientacion sexual y cu Randy su soño tabata, pa competi pa Miss Gay Aruba, bou di e nomber di Miss Gay Dita von Teese.
Randy ta conoci como un persona hopi alegre y madura y tin como hobby; baila, pinta y sali cu amistad y su sernan keri. E ta gusta conoce persona nobo y crea un amistad bunita, p’asina compila bunita y memorabel recuerdo. Actualmente e ta traha como bartender/waiter na un restaurant y ta haci animacion na un hotel. Randy ta habri su curason y conta na ki momento el a sinti cu su anatomia fisico no ta ‘match’ cu su interior. Den edicion di FOCUS di november por lesa un entrevista extenso cu Randy Ray Hernandis y dicon e kier wak su mes transforma den un ser femenino.
