E profeta Shariff Eddine a ministra diasabra anochi durante un ‘women encounter’, na e grupo di hende muher “One and a Million Reasons” cu e enfoke riba e topico “Women, You are called, know your worth”! Shariff su mision entre otro ta, pa restaura curasonnan, guia hende desaroya relacionnan sano, ekipa hende pa cana den nan proposito apunta, pa ‘share’ amor incondicional cu otronan y pa uza nan don- y talentonan pa sirbi otronan.
Shariff Eddine a elabora riba e areanan di e rol di e hende muher, y kico ta e yabinan di exito pa prospera riba e diferente areanan di bida. Como hende muher, ta importante pa ta restaura emocional- y mentalmente, pa asina por eherce e vision y mision den bida. E anfitrion di e encuentro unico aki tabata Aurora Dijkhoff conhuntamente cu Rekha Croes-Daryanani y Sharleen Tromp. Esaki a tuma lugar den un esfera priva caminda tur hende a sinti nan mes na cas y comfortabel, pa comparti y apoya otro mutuamente. E enfoke ta pa “finish strong” aña 2018 y bay un siguiente nivel den e temporada nobo. E grupo “One and a Million Reasons” ta bou liderazgo di Sharleen Tromp, docente y coach, cu ta ‘branding’ e talento di cada persona pa logra potencial maximo.
