VESTUARIO
Kimberly a ricibi sosten di varios cas di moda na Aruba y tur a contribui na e looknan cu Kim lo luci pa eventonan di moda y mas casual. A scoge piezanan cu ta complimenta Kimberly su figura y cu na mes momento ta hala atencion pa un of otro detaye di e pieza riba su mes. Pa e shimisnan oficial esakinan a keda na encargo di Endy Croes, cu a traha un coleccion di shimis di telanan borda na Spaña. Endy a keda sumamente contento cu Kimberly a encanta e shimisnan oficial cu e lo hiba, sigurando asina cu e lo luci nan di e mihor forma posibel.
TRAHE DI GALA & NATIONAL COSTUME
Kimberly su trahe di Gala ta un shimis cu Kimberly a haya e feeling di “Say yes to the dress” ora cu el a bistie completamente finalisa. Un diseño simpel, pero cu trabou di piedra y borduur impresionante cu lo capta atencion. E ‘national costume’ ta un trahe dedica na Carnaval 65 cu nos lo celebra otro aña. Un diseño di Carlos Tromp cu lo duna homenahe na e Carnavalistanan cu ta cla pa celebra en grande otro aña.
APOYO NA MISS UNIVERSE
Thailand ta un país cu mester biaha por lo menos 30 ora pa yega, pero asina mes Kimberly lo tin e apoyo y sosten di su omo Arthur Kelly, su preparador Endy Croes y tambe Carl Quant. Si tur cos bay bon, Mark Benson tambe lo compaña Arthur, Endy y Carl pa asina percura pa e cobertura special di Miss Universe 2018. Exito na Kimberly Julsing den e certamen di Miss Universe 2018.
Behind the scenes #BTS #missuniverse #missaruba #confdentlybeautiful ???
Posted by Kimberly Julsing on Saturday, September 15, 2018
