Catriona Gray, di Filipina, a gana e titulo di Miss Universe superando 93 candidata, y asina deleita su pais di origen cu nan di 4 corona universal. Gray, di 24 aña, a luci un shimis cora briyante, cu ta inspira di un volcan na Filipina. El a bisa cu el a bisti cora, pasobra tempo cu e tabatin 13 aña su mama a soña cu e lo gana Miss Universe den un shimis cora.

Miss Universe 2018 Crowning Moment

Miss Universe 2018 is… PHILIPPINES!

Posted by Miss Universe on Sunday, December 16, 2018

Catriona a supera e prome finalista Tamaryn Green di South Africa y segundo finalista Sthefany Gutierrez di Venezuela. E ta sigui e exito di Demi-Leigh-Nel-Peters di South Africa. Na Filipina, e concursonan di beyesa ta un atraccion popular, y e compatriotanan di Catriona a aplaudi y bula di alegria momento cu el a ser anuncia como e ganadora. E celebracionnan tabata grandi especialmente na e ciudad Oas na un provincia di Albay, unda e mama di Catriona ta procedente.

E di 67 edicion di Miss Universe su tema ta”Empowered Women” y e huradonan tabata shete hende muher, cu tabata consisti di ex-ganadoranan di e concurso, empresaria y diseñadora di moda. E participantenan a pasa casi un luna na Thailand pa competi den e preliminarnan, haci bishita na e famoso atraccionnan turistico y hasta a conoce e prome minister di e pais. E pregunta na Miss Philippines; ki e ta pensa tocante legalisacion di marihuana, el a contesta cu e lo uze pa uzo medico, pero no pa uzo recreativo. Pasobra e ta kere cu e hendenan lo argumenta, ki ta pasa cu alcohol y sigaria? Cu tur cos ta bon pero cu moderacion.

E competencia di Miss Universo di e aña aki, a inclui pa prome biaha un concursante transgenero, Miss Spain Angela Ponce. Un di e poco controversianan e aña aki tabata involucra Miss USA, Sarah Rose Summers, cu parce di a burla di e concursantenan di Cambodia y Vietnam, pa nan habilidad den e idioma ingles. Despues Miss USA a disculpa su mes. Na Aruba cu hopi interes a sigui e certamen momento cu Miss Curaçao, Akisha Albert, a clasifica te den Top 10. E tabata un favorito y hopi experto di beyesa a pronostica cu e lo ta den e cuadro final. Pabien na Corsou cu nan flamante representante, y na Akisha Albert cu su excelente presentacion den e certamen di Miss Universe. Nos no por laga afo nos Miss Aruba, Kimberly Julsing, cu a representa su pais dignamente.

LEAVE A REPLY

Please enter your comment!
Please enter your name here