Den edicion di FOCUS di e luna aki por lesa un entrevista interesante cu Susan Ruiter, cu ta e fundadora y creadora di Aruba Experiencia Café and Patisserie. Susan ta un hende muher determinante, cu ora di tuma desicion, no ta laga su mes ta influencia pa loke ta e vision di otro hende, pero den loke e ta kere firmemente den dje. Despues cu Susan Ruiter a bolbe di Merca, unda el a sigui su estudio den International Management, el a topa cu un cas bandona, cu tabata na benta y el a namora di e cas aki completamente.

E idea pa inicia cu Aruba Experience Café and Patisserie a origina, desde cu Susan a yega Aruba, unda e tabata exponi na tur cos cu tin di haber cu e experiencia di Aruba. E tabata su vision pa Aruba Experience Café and Patisserie tin algo integro, cu e por bisa e hendenan cu bo ta den un cas integro di 150 aña. A dura 1 aña y 6 luna, unda el a traha di dia y anochi, fin di siman y pa e ta presente, pa no laga su ideanan tuma otro direccion. E etapa aki tabata hopi interesante, paso e tabata un soño, cu e kier a visualisa y cu tabata cla den su mente. Obviamente e proyecto aki tabata hopi mas barata, pa bent’e abou y haci algo nobo. Sinembargo Susan su deseo tabata, pa haci e restauracion y pa preserva e edificio den su totalidad.


Susan ta defini exito como subhetivo y indidual. Den actualidad su exito ta basa, pa lanta y por disfruta di un copi koffie y sa cu tin un hende cu ta stime hopi. Cu e ta saludabel y cu constantemente e ta siña, pa asina su mente por genera placa. Susan ta duna placa hopi importancia, paso esey ta un vinculo cu nos ta adkiri pa adkiri otro cos. E ta asocia cu prosperidad, aunke no completo, pero cierto parti. E placa ta asocia tambe cu sabiduria, pasobra si su mente y pensamento por genera placa, ta significa cu e placa cu ta genera, ta bin di algo. No ta asina cu bo tin cu traha duro pa adkiri placa, pero busca mecanismo y e ideanan grandioso, cu bo no mester traha tanto, pero cu ta genera placa.

LEAVE A REPLY

Please enter your comment!
Please enter your name here