Aña nobo y rol nobo! Duchess of Sussex a ricibi su prome patrocinionan real. Den un comunicado riba Twitter, Kensington Palace a anuncia cu Meghan Markle a ser nombra patrona di National Theatre, Association of Commonwealth Universities, e organisacion na benefico di rescate di animalnan The Mayhew y un fundacion caritativo pa duna empleo pa hende muhe Smart Works. Meghan a uni oficialmente na e famia real na mei despues de su matrimonio cu Prins Harry, y tabatin speculacion caba cu su patrocinionan lo ser anuncia durante e siman cu a caba di pasa.
Den e comunicado di e palacio a bisa cu e Dukesa di Sussex ta converti den Patrona di cuatro organisacion, cu ta refleha e causa- y problemanan cu e tabata asocia cu nan, incluyendo arte, acceso na educacion, apoyo na e hende muhernan y na e bienestar di e animalnan. Dos di e patrocinionan di e dukesa a ser pasa for di e Reina, cual ta National Theatre y Association of Commonwealth Universities. E reina a desempeña e rol como Patrona durante 45 y 33 aña respectivamente. E rol nobo di Meghan pa loke ta National Theatre no tabata un sorpresa, no solamente door di e carera anterior di e dukesa como actriz, sino door cu e noticia a ser comparti accidentalmente un dia prome pa e organisacion den un post den ‘what’s on’ riba nan website.
