1. Irrespeto

Ta normal cu dentro di un relacion tin momento di tension of diferente punto di bista, pero importante ta, cu e discusion mester bay den forma respetuoso, cu empatia y sin perde e rumbo y cu e combersacion mester sosode riba e temanan importante, den un forma calma y evita bisa comentario sin pensa.


2. Intolerancia

Si no ta yega consenso, ta importante pa tin capacidad di baha cabes y compronde e punto di bista di otro. E ora propone algun solucion cu ta beneficia ambos. Ta imposibel conbibi den paz, si cada persona ta observa su propio bienestar y impone su boluntad riba e necesidadnan cu e otro tin. Pues nunca perde di bista cu boso ta un ekipo y ta construyendo e fundeshi pa un relacion duradero, unda e blokinan mester ta fuerte y solido.


3. Falta de comunicacion

Cuminsa na papia loke ambos kier y ta gusta. E combersacion mester inclui boso estilo di bida, plan y meta pa futuro, etc. Y semper mantene un espacio pa discuti e aspectonan cu ta bon, pa traha den conhunto, manera: confiansa, comunicacion y respet.


4. Anhelo diferente

Un situacion cu por ta dificil, ta ora cu ambos no ta alinea. Pues percura pa combersa tocante boso metanan importante, prome cu planea boso futuro hunto. Ta dificil pa pensa cu nos por construi un bida hunto, sin por fusiona e plannan di bida cu ambos kier.


5. Gañamento

Esaki ta inclui infidelidad, p’esey mester combersa di dje. Pa mayoria di e matrimonionan ta un suceso doloroso, unda confiansa por kibra pa semper.

LEAVE A REPLY

Please enter your comment!
Please enter your name here