Hilyann Croes y Randall ‘Zyon’ Luidens a conoce otro den studio, mientras Hilyann tabata graba un show di reina y Randall a bin pa djis chill eyden. Di ora cu Randall a wak Hilyann, el a keda encanta cu ne y e echo cu Hilyann ta canta asina bunita, mas a atrae. Mirando cu Hilyann a presenta den Randall su prome single “Aventura”, tabata facil pa bisa, cu di eynan e bond a forma y crece, cual tabata 4 aña pasa.
Hilyann a bay studia na Merca y p’esey nan relacion a termina, pero semper a keda cu un laso hopi fuerte. Aña pasa nan a topa otro bek inespera na un seminario y di biaha e chispa tabata presente. Den nan opinion, e distancia a funciona como un periodo pa nan madura y experiencia bida un poco y awor nan ta encontra otro bek. Den edicion di FOCUS di februari cu manera tur aña ta highlight e tema di ‘Valentine’s Day’ por lesa un entrevista unico cu Hilyann y Zyon.
