E preparativonan pa e baby shower di Duchess of Sussex, a cuminsa awe tempran cu e regalo- y decoracionnan cu a wordo entrega na The Mark hotel na New York. Un di e prome regalonan cu a yega tabata un wieg convertibel di babyletto, cu su prijs online ta £ 290, cu nan a entrega na e hotel empaketa den su caha. E baby shower tabata organisa pa Meghan Markle su miho amiga Jessica Mulroney. Un grupo di amigo cercano a atende e shower esplendido aki, incluyendo co-protagonista di Suits, Abigail Spencer.
E fotografonan presente a saca potret di e ekipo di florista entregando cantidad di flor colorido na e hotel. Cu e flornan cu ta netamente di primavera ta mustra di duna un señal di e fecha cu Meghan ta uitgeteld na april. Prome cu e yegada di e dukesa a aumenta e cantidad di siguridad y tambe nan a pone baricada pafo di e hotel.
E futuro mama tabata bisti elegantemente cu un jas preto y cu tiki makeup, mustrando asina e briyo natural di su embaraso. Cu bril di solo bisti, e casa di prins Harry a pasa lihe cu su cara baha abou dilanti e camaranan mientras e tabata bandona Upper East Side Hotel.
