![](https://focus.aw/wp-content/uploads/2019/02/meghan-markle-prince-harry-2.jpg)
Despues di su baby shower glamuroso na New York, Duchess of Sussex, ta actualmente na Morocco cu su casa, prins Harry, den un gira real di tres dia prome cu e yegada di e baby real. Durante su biahe, e ex-actriz di Suits por a practica un di su hopi talentonan durante su bishita awe diadomingo mainta na un scol secundario na Atlas Mountains. Meghan a siña Frances durante ocho aña y aunke prins Harry a scoge pa papia ingles cu e muchanan, Meghan tabata dispuesto pa purba su habilidad nobo.
![](https://focus.aw/wp-content/uploads/2019/02/meghan-markle-arriving-morocco-1.jpg)
![](https://i0.wp.com/focus.aw/wp-content/uploads/2019/02/meghan-markle-flowers-morocco-.jpg?ssl=1)
![](https://i2.wp.com/focus.aw/wp-content/uploads/2019/02/meghan-henna-tattooo-1.jpg?ssl=1)
![](https://i1.wp.com/focus.aw/wp-content/uploads/2019/02/meghan-harry-outside-school-5.jpg?ssl=1)
![](https://i2.wp.com/focus.aw/wp-content/uploads/2019/02/meghan-hand-in-hand-investiture-1.jpg?ssl=1)
E pareha real a haci un recorido den e klasnan unda mayoria di e mucha muhernan ta papia solamente frances. Esey no tabata un problema pa e dukesa cu a combersa. “Qu’est ce que tu veux être quand tu quittes l’école?” (Ki bo kier haci ora bo caba scol?) el a puntra un di e mucha muhernan. El a puntra tambe, “Vous voulez aller à l’université?” (Bo kier bay Universidad?) Meghan a keda hopi impresiona cu e contestanan di e muchanan, cu kier bira docente, ingeniero y dokter. Meghan tabata studia hopi recientemente manera cu el a revela na december, cu e tratando pa mehora su frances, mientas cu su spaño e por domina cu fluidez.
![](https://i0.wp.com/focus.aw/wp-content/uploads/2019/02/meghan-dior-t2-1024x614.jpg?ssl=1)
![](https://i2.wp.com/focus.aw/wp-content/uploads/2019/02/meghan-and-harry-flowers-2.jpg?ssl=1)
No falta mucho tempo pa Harry y Meghan duna bonbini na nan prome baby, y e fanaticonan di e realesa rond mundo ta birando emociona cu e yegada. E fanaticonan ta convenci cu e pareha real ta sperando un ‘baby girl’ despues di e potretnan publica di e baby shower di Meghan na New York siman pasa. Loke a keda revela tabata cu e invitadonan a disfruta di bolonan cu na banda tabatin potnan ros cu almendranan di sucu. E potretnan tabata riba e instagram di Darcy Miller, cu ta e pastelería cu a traha e cos dushinan riba ordo di Serena Williams, cu ta un amiga intimo di Duchess of Sussex.
![](https://i0.wp.com/focus.aw/wp-content/uploads/2019/02/baby-royal-at-6.59.24-PM.jpeg?ssl=1)
![](https://i0.wp.com/focus.aw/wp-content/uploads/2019/02/baby-royal-at-6.59.28.jpeg?ssl=1)