Cu hopi expectativa e golfistanan ta sperando riba e torneo anual di golf organisa pa Kiwanis Club of Aruba. Esaki ta tuma lugar diadomingo dia 24 di maart riba e cancha di golf di The Links at The Divi Aruba. E aña aki ta celebra e 10 torneo anual pa recuada fondo, y e torneo di golf aki ta di 18 “holes” den team di 4 persona cu e formato scramble. E interes pa e torneo ta hopi grandi cu 2 siman prome cu e fecha ya e torneo ta “SOLD OUT”.
E torneo ta parti den dos grupo; e prome grupo ta cuminsa pa 8’or di mainta y e di dos grupo lo cuminsa 12’or y mey di merdia. Como atraccion special tin un premio pa hole-in-one cu ta un 2019 Ford Edge SEL. Lo tin premio pa e siguiente categorianan: “Best Gross”, “Best Net”, Closest to the pin” y “Longest Drive”. Kiwanis Club of Aruba cu hopi orguyo ta anuncia cu e fondonan recauda cu e actividad aki ta destina na “Stichting Trampolin pa Trabou”. E donacion aki ta bin directamente for di e fondonan recauda di e torneo di golf y lo wordo uza pa e fundacionnan sigui eherce nan tremendo trabou na bienestar di e comunidad di Aruba en general.
GOLF TOURNAMENT 2018
