Despues di a termina su estudio 10 aña pasa, Anky Vrolijk a haci diferente cambio riba e tereno laboral. Semper e cambionan aki tabata positivo. Anky a traha como coordinadora na un scol Hulandes pa casi 4 aña. Despues el a traha como directora na YMCA Aruba y te awe e ta fungi voluntariamente como Secrataria di Board YMCA Aruba. Pa 3 aña el a fungi como directora di e edificio Multi Funcional (MFA) y awor Anky ta directora di Fundacion Museo Arubano, caminda nan ta maneha 3 museo y un exhibicion.

Durante e ultimo 10 aña Anky a percura pa amplia su conocemento laboral, siguiente diferente curso, manera: Ley Laboral, Papiamento y e cursonan riba e tereno cultural, pa asina engradece su conocemento den un forma, cu por contribui mas efectivo na su trabou diario. Anky su trabou como directora Fundacion Museo Arubano ta encera e guia y responsabilidad diario di e liderasgo di e museonan. E ta percura pa e maneho ta den e mihor forma di e diferente museonan y exhibicion, cu ta forma parti di Fundacion Museo Arubano. E contenido pa cada museo ta bou di responsabilidad di nan curator, Renwick Heronimo y hunto nan ta crea e producto completo, pa asina expone e informacion den e mihor firma posibel. Anky Vrolijk ta den edicion di FOCUS di maart cu un interesante entrevista. Busca bo revista pa asina lesa e entrevista completo!

LEAVE A REPLY

Please enter your comment!
Please enter your name here