Michael Aram ta un artista Mericano galardona y di renombre internacional, cu a dedica su carera na diseño artesanal. A pesar cu e ta traha cu un variedad di material, e ta miho conoci pa su trabou cu metal, diseño di acesorio pa cas, escultura y joyeria fini traha na man.

E joyero renombra aki a haci un bishita na Aruba, invita pa Little Switzerland, unda cu e clientenan a haya e oportunidad pa cera conoci personalmente cu e artista y diseñador.

E prome encuentro tabata na Little Switzerland na Paseo Herencia durante un anochi elegante, cu presencia di cliente- y invitadonan cu no kier a perde e oportunidad di haya nan joya firma pa Michael Aram.

E trabou di Aram ta eleva e artesania di arte, haciendo cu cualkier ocasion ta mas excepcional. Su piezanan ta eleva e momentonan cotidiano diario y dun’e un briyo pa su beyesa natural.

E escultor y artista aki ta purba construi su historia den e piezanan, p’e ta mas personal y no djis cu ta solamente e naturalesa, sino pakico e naturalesa ey en particular. Ora menciona ‘hand made’ e ta pensa cu e obhetonan traha na man tin un vibracion, mientras ora bo trah’e cu machin, e ta frieu, sin energia y sin pasion.

Durante su carera el a siña pa tin hopi pasenshi debi cu joya ta tuma hopi tempo y trabou, pa sigura cu e ta confortabel. Joyeria ta asina personal y tin cu considera diferente factor manera; si e ta move bon y cu e ta comodo, door cu ta pone riba e curpa di e persona. E ta algo hopi diferente cu traha un pieza di escultura.

LEAVE A REPLY

Please enter your comment!
Please enter your name here