Awe ta tumando lugar e di 10 torneo di golf anual di Kiwanis Club of Aruba riba e cancha di golf di The Links at The Divi Aruba. For di mainta tempran e comision organisador tabata presenta pa duna bonbini na e prome grupo di golfistanan, cu a yega yen di energia pa e competencia.
E torneo di golf aki ta di 18 “holes” den team di 4 persona cu e formato scramble. E interes tabata asina grandi cu 2 siman prome cu e fecha di awe, ya e torneo tabata “SOLD OUT”. E torneo ta parti den 2 grupo; E prome grupo a cuminsa pa 8’or di mainta y e di dos grupo a cuminsa 12’or y mey di merdia. Como atraccion special tin un premio pa hole-in-one cu ta un 2019 Ford Edge SEL. Lo tin premio pa e siguiente categorianan: “Best Gross”, “Best Net”, Closest to the pin” y “Longest Drive.
E fondonan recauda cu e actividad aki ta destina na “Stichting Trampolin pa Trabou. E donacion aki ta bin directamente for di e fondonan recauda di e torneo di golf y lo wordo uza pa e fundacionnan sigui eherce nan tremendo trabou na bienestar di nos comunidad di Aruba en general.
