Ta ser comenta cu Reina Máxima a haci un operacion na su pia den un clínica priva. Segun e fuentenan cu Máxima tabata sinti molester di Hallux Valgus, y door di esey e no por a cana bon riba hilchinan halto. Hallux Valgus ta un desviacion comun, unda e duim di pia ta malo. Esaki ta crea un bulto na banda di e pia, cu por wordo elimina cu un operación. E por ta congenito, pero tambe e por surgi door cu e persona ta cana hopi riba hilchinan halto. Esaki ta e motibo tambe dicon e muhernan ta sufri mas di e problema aki compara cu e hombernan.
Siman pasa, reina Máxima tabata ausente na NL Doet y Rijksvoorlichtingsdienst a anuncia cu e mester a haci un intervencion medico y mester mantene reposo. Rijksvoorlichtingsdienst no kier a confirma nada si reina Maxima tabatin problema na su pia y no kier a contesta riba e rumornan cu tabata circula.
Otro noticia di e famia real Hulandes ta cu prinses Alexia ta desea di bira cantante y lo kier participa na The Voice. E di dos yiu di e monarcanan Hulandes tin un stem precioso y ta mustra di ta un prinses di e era moderno cu su cuenta di instagram unda e tin un gran cantidad di followers.
