![](https://focus.aw/wp-content/uploads/2019/03/Bright-Bakery-logo-1024x476.jpg)
![](https://i0.wp.com/focus.aw/wp-content/uploads/2019/03/vintage-image2-1024x690.jpg?ssl=1)
![](https://i2.wp.com/focus.aw/wp-content/uploads/2019/03/vintage-image1-1024x655.jpg?ssl=1)
E historia di Bright Bakery a cuminsa na 1949, tempo cu un homber cu yama; Harry Bareño, a tuma dos panadero y un ayudante den servicio. Loke cu a cuminsa modestamente como un operacion di tres homber, entregando pan recien horna na e porta di cas di e clientenan, a cuminsa crece den popularidad. For di prome momento cu e hendenan a purba e pan, nan a keda encanta cu su smaak! Rapidamente a yega e momento cu Harry mester a expande su ekipo, pa satisface e demanda di tur su clientenan nobo.
![](https://focus.aw/wp-content/uploads/2019/03/best-bakery-aruba-title-1024x374.jpg)
Varios aña despues a nace Franklin, e yiu homber di señor Bareño. El a crece siñando tur loke cu e mester sa, tocante con pa horna e pan di Bright Bakery. Na 1985, Sr. Harry Bareño a retira, lagando fielmente su yiu, Sr. Franklyn Bareño, como e unico propietario y presidente de Bright Bakery. Franklyn a mira esaki como un oportunidad maraviyoso, pa haci e empresa crece, loke el a haci tambe! Bou su direccion, e nomber di Bright Bakery a subi bay na e siguiente nivel.
![](https://i1.wp.com/focus.aw/wp-content/uploads/2019/03/BRIGHT-2016-33-1280x854-1024x684.jpg?ssl=1)
![](https://i1.wp.com/focus.aw/wp-content/uploads/2019/03/BRIGHT-2016-35-1280x854-1024x684.jpg?ssl=1)
![](https://i2.wp.com/focus.aw/wp-content/uploads/2019/03/BRIGHT-2016-38-1280x854-1024x684.jpg?ssl=1)
![](https://i0.wp.com/focus.aw/wp-content/uploads/2019/03/BRIGHT-2016-50-1280x854-1024x684.jpg?ssl=1)
El a sa di haci uzo di e conocimento con pa horna pan, cu su tata a confia na dje y asina el a construi e instalacionnan automatisa mas grandi riba e isla, capaz pa produci gran cantidad di pan pa tur e clientenan por a disfruta. E cambio aki a duna e panaderia e oportunidad tambe pa incorpora un variedad mas grandi di producto di e panaderia, cu nan ta sigui ofrece den nan panaderia na Piedra Plat te cu dia di awe. Ta danki na su innovacionnan y e sosten di su casa, cu nan ta suministra nan productonan horna na mayoria di e supermercadonan, como tambe na hopi hotel y restaurant famoso na Aruba.
![](https://i2.wp.com/focus.aw/wp-content/uploads/2019/03/bright-bakery-six-1280x854.jpg?ssl=1)
![](https://i0.wp.com/focus.aw/wp-content/uploads/2019/03/bright-bakery-title-1024x683.jpg?ssl=1)
![](https://i2.wp.com/focus.aw/wp-content/uploads/2019/03/best-bakery-in-aruba-1024x683.jpg?ssl=1)
![](https://i2.wp.com/focus.aw/wp-content/uploads/2019/03/BRIGHT-2016-55-1280x854-1024x684.jpg?ssl=1)
Awendia fomentando innovacion y e servicionan nobo, tin e dos yiu muhernan di Sr. Bareño. Mientras cu nan ta sigui cu e tradicionnan di famia Bareño, nan ta traha duro pa amplia e lista di servicio di e panaderia y actualisa hopi parti di e tienda, cu awor ya ta inclui un café. Bright Bakery ta ofrece awor tambe snacks pa e eventonan rond e isla. Nan a perfecciona enormemente nan capacidad pa traha e bolonan personalisa y fabuloso, cu un ekipo di pastry chef talentoso. Realmente nan ta considera cu nan ta bendiciona, pa por a atrae semper e hendenan dedica y trahado pa uni nan mes na e forza laboral.
![](https://i1.wp.com/focus.aw/wp-content/uploads/2019/03/FiveTierTowerCakes-1280x854-1024x684.jpg?ssl=1)
![](https://i0.wp.com/focus.aw/wp-content/uploads/2019/03/BRIGHT-2016-58-1280x854-1024x684.jpg?ssl=1)
![](https://i0.wp.com/focus.aw/wp-content/uploads/2019/03/bright-bakery-cakes-three-1280x854.jpg?ssl=1)
![](https://focus.aw/wp-content/uploads/2019/03/BRIGHT-2016-109-1280x854-1024x684.jpg)