Hopi ser femenino ta soña cu casa y biba den pareha, pa establece un rutina mas trankilo y aleha di stres laboral, pero un estudio a confima cu bo ta un poco ekiboca cu e idea aki.
Un estudio haci pa Universidad di Michigan, na Merca, a revela cu e muhernan sea cu nan casa of cuminsa biba cu su pareha, ta suma 7 ora extra di trabou na su rutina semanal. Es decir cu comparti dak cu un homber ta mas cansancio pa e muher. Frank Stafford, investigador di Instituto de Análisis Social di e Universidad di Michigan, a afirma cu e ta un patronchi hopi conoci. Tin un reasignacion di e labornan den e matrimonio, unda e hombernan tin tendencia di traha mas for di cas, mientras cu e muhernan ta eherce mas labor domestico. Y e situacion aki ta pio, p’e muhernan cu ta traha.
Pa yega na e conclusion, e cientificonan a studia un base di dato desde 1968 te 2005 tocante empleo na Merca, unda a evalua cuanto tempo tanto homber como muher ta tarda, cushinando, limpiando, stricando, entre otro.
Asina a descubri cu e muhernan hoben y soltera ta gasta menos tempo den e tareanan, mientras cu esunnan casa ta dobla e cantidad di ora facilmente. Esaki ta incrementa rotundamente, ora e famia crece.
E investigadornan tambe ta descubri cu e numbernan aki ta hopi mas pio cu na 1976, debi cu e muhernan tabata realisa un promedio di 26 ora pa siman na labor domestico.
