E madurez di Jovȇlle Castro segun hopi di e comentarionan ricibi, a keda demostra den su entrevista den revista FOCUS. For di su recuerdonan hunto cu su tata, Poentje Castro, unda e ta conta tur loke nan tabata comparti como famia te momento di e noticia di su asesinato y su entiero, ta bibo den su memoria. E ultimo biaha cu el a wak su tata nunca e por a imagina, cu lo ta e ultimo biaha cu nan lo ta hunto den auto.

E impacto cu e morto repentino di su tata tabatin den su bida. Mientras otro hoben tabata scoge un regalo pa Pasco, e tabata scoge e caha y un kelder pa su tata por sosega aden. Nunca el a pensa cu su 18 aña lo e mester a bay scoge esaki pa su tata. Tin e preguntanan cu e ta puntra su mes, pero e ta asombra di con fuerte e ta y con mas fuerte e incidente aki a hacie. Awendia Jovȇlle ta eherce un trabou cu e ta considera como su ‘super power’, paso skirbi y lesa braille, sigur no ta algo cu cualkier persona por eherce. E ta sumamente agradecido pa tin un carera, cu e tin un amor y pasion grandi p’e, unda e ta e alumno su wowo na scol.

LEAVE A REPLY

Please enter your comment!
Please enter your name here