![](https://focus.aw/wp-content/uploads/2019/05/Captura-de-pantalla-2019-05-01-a-las-6.35.52-p.m..png)
E rey Maha Vajiralongkorn, cu lo tin su coronacion durante un ceremonia elabora diasabra awor, a anuncia cu el a casa cu su consort, e general Suthida Vajiralongkorn Na Ayudhya. E reina su nomber lo ta Queen Suthida. E rey Maha Vajiralongkorn ta hereda e trono di su tata, rey Adulyadej, cu a fayece october 2016. E ta un tradicion cu ta warda un periodo largo prome cu corona e rey nobo.
![](https://i2.wp.com/focus.aw/wp-content/uploads/2019/05/Captura-de-pantalla-2019-05-01-a-las-6.36.03-p.m..png?ssl=1)
![](https://i2.wp.com/focus.aw/wp-content/uploads/2019/05/thailand-new-queen-sunitha-t-1024x614.jpg?ssl=1)
E reina nobo di Thailand ta un ex general militar, cu tabata un bodyguard di e rey durante hopi aña. Pero e noticia di su matrimonio a cay como un sorpresa pa e publico tailandes, y nan no a revela mucho informacion tocante e evento aki, incluso ki tempo y unda el a tuma lugar. Segun un declaracion di e palacio, e pareha a casa ‘legalmente’ y di acuerdo cu e tradicion real. Reina Suthida tabata un stewardess na Thai Airways International y ta e di cuater esposa di e monarca di 66 aña.
![](https://i0.wp.com/focus.aw/wp-content/uploads/2019/05/thai-king-maha-vajiralongkorn-z.jpg?ssl=1)
![](https://i2.wp.com/focus.aw/wp-content/uploads/2019/05/yq-generalsuthida-01052019.jpg?ssl=1)
E stacionnan di television tailandes a transmiti e orden real hunto cu un video di Suthida, bisti den un shimis ros palido, drumi abou dilanti e rey entregando un teblachi cu flor y joss sticks. Reina Suthida di 40 aña di edad a ricibi regalonan en cambio na e ocasion aki. E pareha a firma un certificado di matrimonio, cu a ser firma tambe pa e ruman di e rey, princesa Sirindhorn. E prome minister Prayuth Chan-ocha y alto funcionarionan tambe a asisti na e ceremonia.