Yelitza tabatin un embaraso cu el a categorisa como horibel, pero e resultado ta e cos di mas bunita cu e por a experiencia y ta bal cada dolor. Tanto Yelitza como Herbert Domacassé ta gradici y ta describi nan morocho, Joah y Jeyah, como un milager y soño cu nan no a spera di por a bira realidad, pero ora cu Dios ta den control, tur cos ta posibel.

Yelitza y Herbert kier a haci e anuncio di embaraso uno memorabel y unico. Na momento cu Yelitza a pasa su 3 luna, tabata net su cumpleaño y nan a invita tur nan famia- y conocirnan mas cerca pa di un forma unico anuncia cu nan ta sperando morocho. E gritonan di alegria ta algo cu Yelitza y Herbert nunca lo lubida. Tur hende tabata contento y mas ainda ora nan a ripara cu no ta 1 sino 2 baby ta na caminda.

Den edicion di mei cu su ‘highlight’ ta Dia di Mama, Yelitza ta conta con e tabata sinti tur dia manera riba un barco riba e olanan bruto y e decision di dokter cu e mester a bay cu air ambulance Colombia. Awendia e ta un mama sumamente feliz cu su morocho Joah y Jeyah. Lesa e entrevista cu Yelitza Domacassé-Helmeyer den bo revista preferi, cu ya ta obtenibel na e lugarnan di costumber.

LEAVE A REPLY

Please enter your comment!
Please enter your name here