MEGHAN & PRINS HARRY A REVELA E NOMBER!
Harry y Meghan a anuncia e nomber di nan baby recien naci despues di a introduci na mundo nan ‘bundle of joy’. Cu nan decision pa yama nan baby, Archie Harrison Mountbatten-Windsor, e pareha no ta bay uza niun titulo pa nan primogenito. Archie por a bira Earl of Dumbarton, un di e titulonan subsidiario di Harry, of tambe Lord Archie Mountbatten-Windsor, pero simplemente e ta Master Archie Mountbatten-Windsor. Un fuente a divulga: “Nan a scoge pa no uza un titulo di cortesia”.
E pareha a sigui e pasonan di prins William y Kate, revelando e nomber di Archie apenas dos dia despues di su nacimiento, manera su primonan: prins George y prinses Charlotte. Aunke William y Kate a kibra e tradicion na 2018, ora nan a tarda cuater dia pa anuncia e nomber di prins Louis. Prins Charles y prinses Diana a anuncia e nomber di William despues di shete dia di su nacimento, y esaki ta debi cu e presion pa scoge e nomber perfecto a hunga un rol.
