Duke y Dukesa di Sussex a presenta nan yiu recien naci na mundo den un session di foto y un entrevista tan spera. E mayornan real a introduci nan baby boy, cu su nomber no a keda revela, na prensa na St George’s Hall, Windsor Castle. E ‘little bundle of joy’ a mustra adorabel lora den un manta.
Prins Harry a duna un entrevista cortico riba dialuna, dia di e nacimento, pero esaki ta prome biaha cu nan a sali como famia di tres. Meghan tabata mustra absolutamente radiante den su shimis color crema di Givenchy. Para hunto cu su casa, Harry tabata mustra super feliz cu su baby den su brasa. E ‘royal watchers’ awe a haya e prome glimpse di e baby recien naci di e pareha real, cu ta asina popular rond mundo.
