Roberto Avalo hunto cu un grupo di cuater estilista a keda selecciona den e proyecto K Embassador di KERASTASE ARUBA. Esaki tabata e prome fase di e proyecto, cual tabata pa ricibi educacion pa por bira un embahador di e linea. Despues di esaki Roberto a keda escogi pa biaha pa Barcelona door di su conocimento profesional y dominio di idioma. Hunto cu ne a biaha un estilista mas pa e KCONSERVAROTY TOUR BARCELONA 2019. Durante 3 dia nan a wordo envolvi den e tendencianan nobo Europeo, trahando directamente cu L’OREAL INSTITUDE DI BARCELONA y asina a certifica nan como e embahadornan di e linea renombra aki. E proyecto aki ta atrabes di Manrique Capriles Aruba y KERASTASE.
E prome dia di actividad nan a bay den un gira inspirativo rond Barcelona, unda nan a bishita diferente lugar manera; Sagrada Familia, museo- y diseñadornan di moda famoso na Barcelona manera Anna Cortina. Nan a bishita Pobla Nou, cu significa pueblo nobo na Catalan, cu ta nan districto di arte. Nan a cera conoci tambe cu diferente salon di beyesa renombra na Barcelona, entre nan; Compte Peluquería y Cebado, cu ta salonnan di categoria y di alta clase cu mas di 60 aña di existencia. Considerando esaki e miho experiencia door cu nan como artista tin e capacidad di wak beyesa unda kisas no tin.
Pa Roberto e experiencia di por a comparti un cultura nobo, a representa un capitulo nobo den su bida, pasobra el a compronde cu nan profesion no tin barera. Roberto ta bisa cu” Como estilista mi mester open my mind, pasobra asina so bo por kies di tur caminda e miho pa bo ofrece bo cliente, e miho parti di cada experience”. Awor Roberto conhuntamente cu The Salon ta cla pa asumi e reto y e responsabilidad di carga e nomber di un linea asina importante manera KERASTASE. Esaki ta un aña cu ta representando fielmente cu e soñonan si ta bira realidad, y Roberto ta declara cu tin hopi mas na caminda.
