E actriz mexicana, Edith Gonzalez, a fayece awe mainta di cancer. Na augustus 2016 e actriz a informa cu e tabatin cancer di ovario, pa cual el a inicia un tratamento di quimoterapia. Un aña despues el a confirma cu el a gana e prome bataya contra e enfermedad. E actriz a muri na un hospital den compania di su yiu muher Constanza y su casa Lorenzo Lazo cu tambe ta sufri di cancer.
E ultimo proyecto televisivo cu e actriz di 54 aña a participa tabata e programa, Este es mi Estilo, Reality di TV Azteca. Edith Gonzalez ta conoci como un muher extraordinario y un briyante actriz.
