The Salon cu ta conoci pa su beauty experience y su beauty queens, tin su candidata, Chelsea Rodriguez Zuluaga, compitiendo pa e certamen di Miss Youth Aruba 2019. Den un entrevista cu Roberto Avalo di The Salon, el a bisa cu nan tin un team dinamico, cu a cuminsa cu e preparacion di Chelsea den tur aspecto. E team aki ta forma pa: Fisico (Perfect Me Aruba), Intelectual (Sue-Ann Ras), Pasarela (Odalis Rivero), FotoPose (SkyFalls Agency) y estilismo di mes THE SALON ARUBA.
Chelsea tin 17 aña y ta atende Colegio Arubano bayendo pa examenjaar. E ta un hoben cu ta apasiona cu baile y actualmente ta practica ballet clasico. E ta hopi cariñoso y semper ta dispuesto pa yuda e hendenan rond di dje, cu un smile riba su cara. Chelsea ta purba di ta un mihor version di su mes cada dia. E kier crece como persona y siña lo mas cu e por den tur situacion, y esey ta loke Roberto Avalo ta admira di dje. Momento cu e pone un meta su dilanti, e ta haci tur su esfuerso pa por logre. E ta un persona cu ta para pa loke e ta kere aden, y no tin miedo di hisa su bos contra inhusticia. Door di ballet, Miss Youth Pos Chiquito tin un postura hopi elegante y e sa con pa para y luci den ful un grupo. Su curpa ta uno fantastico di naturalesa, pero door di gym el a sa di perfecciona y asina logra impacta den un competencia di bikini.
Miss Youth Aruba ta un concurso cu a sa di capta atencion di e publico pa su produccion luhoso y espectacular. Y e aña aki no ta e excepcion cu nan celebracion di cuater aniversario creando beyesa pa Aruba, cu un grupo di 9 hoben sumamente bon prepara.
CANDIDATANAN CU THE SALON TA ENCARGA CU NAN ESTILISMO
Kate Lynn Blom
Miss Youth Santa Cruz
Alexia Chin
Miss Youth Noord by Cataleya
Isabella Benschop
Miss Youth Paradera by N-Design
