E Circuito Internacional di “World Series of Poker (WSOP)” ta na caminda pa Aruba, cu The Casino Aruba na Hilton Caribbean Resort, organisando un serie di 10 evento for di 14 pa 24 di november 2019. E torneo lo conta cu un total di 10 evento di WSOP Ring, incluyendo e evento principal di 3 dia cu tin un premio garantisa di $ 250,000, cu un ‘buy-in’ di $ 1,700.
E Director di World Series of Poker, Gregory Chochon, a bisa lo siguiente relaciona cu e excitante ‘stop’:
“Nos ta kere cu e hungadornan realmente lo disfruta, pa bin Aruba pa hunga poker na november, momento cu e clima ta mas friu na hopi caminda. The Casino Aruba ta conta cu un ekipo experto di poker y e hungadornan den e circuito di WSOP aki, lo disfruta di un ambiente dibertido y amistoso. Si desafortunadamente , nan elimina bo di un evento, e bunita solo Caribense, santo blanco y e awanan turquoise, lo yuda bo calma bo mente”.
Edwin Coutinho, The Casino Aruba at Hilton, Director of Operations
“Treciendo World Series of Poker na Aruba ta un gran logro pa nos casino y definitivamente no ta pone solamente nos casino, pero henter Aruba riba mapa den e mundo di poker. Un evento di e magnitud aki, respalda pa e compania multinacional; Caesars Entertainment & World Series of Poker brand, ta rekeri e standaardnan halto. Cu orguyo mi por bisa, cu nos casino ta opera y maneha den su totalidad localmente, y ta den pleno preparacion pa organisa e evento di manera exitoso y den e standaardnan di World Series of Poker. E evento aki lo atrae e hungadornan di poker for di tur rond mundo, pero tambe e hungadornan local, competiendo hunto pa e placa di e premio- y renchinan di poker”
