Segun e resultadonan obteni di e investigacion di Universidad di Emory:
· Gasta entre 2 y 4 mil dollar den renchi di compromiso, tin 1.3 biaha mas posibilidad di divorcia cu esunnan cu a gasta entre 500 y 2 mil dollar. Y esunnan cu ta gasta mas di 20 mil dollar, tin 3.5 biaha mas posibilidad di perde su pareha. Esunnan cu a gasta menos di 500 dollar, tabatin un matrimonio hopi cortico.
· Esunnan cu eligi pa celebra di forma mas modesto y cu joyas menos costoso, tin un matrimonio mas largo y mas feliz. Tin biaha e gastonan di fiesta ta asina halto, cu ta compromete e economia y stabilidad di e pareha, specialmente den e prome temponan, cual ta esunnan mas dificil pa adaptacion y conocemento.
· E tempo di noviazgo tambe ta inclui den e exito of fracaso di un matrimonio; mas di 3 aña hunto, tin un 39% menos chens pa divorcia.
· Esunnan cu ta fiha den beyesa fisico of rikesa pa casa, tin mas di 50% di probabilidad di divorcia.
· Mientras mas invitado asisti na un casamento, mas abou e tasa di divorcio ta. Esaki por ta door di un ‘efecto comunidad’, pues cu e pareha tin mas apoyo di su famia- y amistadnan cu por yuda nan supera e desafionan cu ta presenta.
· Tin un luna di miel ta di sumo importancia y ta contribui na stabilidad di e pareha.
