Diferente estudio a señala, cu bebe biña cu moderacion, ta trece multiple beneficio pa salud, pero awor tambe pa bo figura. Un investigacion di Harvard University y State University di Washington a revela cu bebe un glas di biña ta reduci na un 70% di posibilidad di tin obesidad. Incluso algun dokter ta recomenda esaki pa baha di peso. Un total di 20 mil persona cu a gana peso y no tabata amante di biña, a participa na e investigacion. Nan tabatin un reduccion di peso, door di djis bebe un glas di biña cora y esunnan cu a pasa e cantidad aki, a subi di peso.
Ideal ta pa bebe un glas di biña cora entre 6or y 9’or di anochi, pa logra e efecto. Tampoco ta bon pa excede e cantidad aki, di lo contrario e alcohol ta comberti den sucu y ta provoca e efecto contrario: subi di peso.
E cientificonan ta sigura cu biña ta contene un componente ‘magico’, denomina ‘resveratrol’, cu ta e substancia cu ta encarga pa stop e acumulacion di e celulanan di vet den curpa.
