Awe tardi riba e bunita beach band’i The Ritz-Carlton Aruba tabatin un team grandi consistiendo di modelo, productor y ekipo di produccion, pa e grabacion di e video clip “Hace Calor” di e celebridad riba social media Malu Trevejo hunto cu nos artista internacional Jeon. E proyecto aki a ser realisa bastante ‘low profile’ na Aruba y nan no a comparti detaye di esaki. Malu Trevejo su nomber real ta Maria Luisa Trevejo y el a nace dia 15 di octuber 2002 na Cuba. El a biba un temporada na Spaña hunto cu su mama y despues nan a muda pa sur di Florida unda nan ta bibando actualmente. E ta un sensacion di e medionan di comunicacion y ta mas conoci riba Instagram como malutrevejo. Na september 2017, el a lansa su prome single “Luna Llena” y e video musical di e cancion a ser mira mas di 60 miyon biaha riba YouTube. Prome cu Malu Trevejo a bira famoso e tabata exitoso a traves di social media na 2015 y tin mas cu 7 miyon followers riba Instagram.
